Ipinapaliwanag nitong Patakaran sa Pagkapribado kung paano pinoproseso ng Tools for Humanity Corporation (“Kami”, “ang TFH”) ang datos mo kapag ginamit mo ang World App, ang aming mga website at serbisyo (sama-sama, ang aming “Mga Serbisyo”). Sinubukan’ naming pasimplehin ang patakaran na ito, and Hindi namin kailanman ibebenta ang personal mong impormasyon.

Kapag ginamit mo ang World App o ang isang Orb na ginawa ng TFH upang beripikahin ang iyong World ID, may kaugnayan sa iyo ang unang bahagi ng seksyon ng Patakaran sa Pagkapribado na ito. Maaaring gumawa ang ibang mga kompanya ng mga app (“Mga compatible na Application”) at o Orb upang bigyang-daan ang mga tao na gumawa, magtago, beripikahin, o gamitin ang kanilang World ID.

Kinokolekta namin ang personal mong datos kapag ibinigay mo ito sa amin at kapag ginamit mo ang aming mga Serbisyo. Sa iilang mga kaso, nakakatanggap din Kami ng personal na datos mula sa mga ikatlong partido. Gaya ng ipinaliwanag sa ibaba, maaari mong ma-access, itama, o burahin ang iyong personal na datos anumang oras.

Opsyonal na ibigay ang datos na nakalista sa seksyong ito. Maaaring magbago ang isip mo at baguhin o burahin ito anumang oras sa mga setting ng World App.)

• Maaari mong ilagay ang iyong numero ng telepono sa iyong World App account. Makakatulong ito sa mga kontak mo na mahanap ka at makipag-ugnayan sa iyo. Maaari mo ring gamitin ang numero ng telepono mo upang ibalik ang mga backup at bumatay sa aming sistema ng referral (tingnan ang aming mga referral sa partnership).
• Maaari mong i-sync ang mga kontak mo sa World App. Sa pamamagitan nito, makikita mo kung sinu-sino sa mga kontak mo ang nagdagdag ng kanilang numero ng telepono sa World App upang mas madali kang makakonekta at makipag-ugnayan sa kanila. Hindi namin iniimbak ang mga kontak mo.
• Maaari kang gumawa ng isang username, na maaari mong baguhin anumang oras. Naka-link lang ang username mo sa wallet mo at hindi sa iyon World ID.
• Kapag hiniling Namin na ilagay mo ang iyong petsa ng kapanganakan Hindi Namin ito iiimbak.
• Maaari mong ibahagi sa amin ang iyong geo-location upang makahanap ng Orb na malapit sa iyo at makatulong sa amin na maunawaan kung saan kami dapat gumawa upang gawing magagamit ang mga Orb sa hinaharap.
• Hihilingin sa iyo na ilagay ang petsa ng kapanganakan mo. Hindi itatago o iiimbak ang petsa ng kapanganakan mo at ginagamit lamang sa device mo upang matukoy kung pasok ka sa minimum na edad na kinakailangan para magamit ang mga Serbisyo.
• Kapag nakipag-ugnayan ka sa amin, halimbawa, para sa tulong o suporta, ipoproseso Namin ang mga mensahe at pakikipag-usap sa iyo na maaaring maglaman ng personal mong datos. Kapag nagbigay ka ng opinyon sa pamamagitan ng mga survey, gagamitin Namin ang opinyon mo upang mapahusay ang mga serbisyo namin.
• Kung gumagamit ka ng World Chat Hindi namin nakikita o naa-access ang mga chat message mo. Ang mga mensahe at kaugnay na metadata ay end-to-end encrypted, at hindi Namin kayang i-decrypt o ma-access ang mga ito sa anumang paraan. Pinapadaan lamang namin ang naka-encrypt na mga mensahe sa aming server mula sa nagpadala patungo sa tatanggap ng mensahe.
• Maaari mong piliing payagan kami na mangolekta at suriin ang mas detalyadong impormasyon tungkol sa iyong mga interaksiyon sa World App upang matulungan kaming makahanap ng mga bug at pagbutihin ang aming mga produkto.
• Maaari mong piliin na ibigay ang datos mo upang mapahusay para sa lahat ang World ID. Upang matiyak na ang World ID ay ligtas, maaasahan, at inklusibo, nangangailangan ang mga modelo na nagpapagana rito ng datos ng pagsasanay mula sa iba’t ibang populasyon. Maaari mo ring piliing ibahagi ang iyong mga larawan mula sa Orb at Pag-authenticate ng Mukha upang makatulong sa pagsasanay ng mga modelong iyon.
• Maaari kang magdagdag ng Mga Credential tulad ng isang pasaporte sa iyong World App. Susuriin namin ang bisa ng iyong credential, kukumpirmahin kung ang tumutugma ang mukha mo sa larawan na nasa credential, at pagkatapos ay ligtas naming iimbak ang datos ng iyong credentia’l sa iyong device. Wala kaming access kailanman sa personal na impormasyon na nasa credential mo.

Impormasyong kinokolekta Namin kapag ginagamit mo ang Mga Serbisyo namin

• Kapag ginagamit mo ang World App kinokolekta Namin ang impormasyon na tungkol sa iyong koneksyon, tulad ng iyong IP address, uri ng browser, at kaugnay na datos upang maibigay ang aming mga Serbisyo at maiangkop ang mga ito sa bansang kinaroroonan mo. Kinokolekta Namin ang karagdagang metadata ng device tulad ng iyong resolusyon ng screen, operating system, carrier, wika, memorya, mga app na naka-install, antas ng baterya, at numero ng device upang matiyak na gumagana nang maayos ang app sa device mo at sumusunod sa aming Mga Tuntunin at Kondisyon. Ginagamit din namin ang impormasyong ito para makita at maiwasan ang pangloloko.
• Kinokolekta Namin ang karagdagang impormasyon tungkol sa iyong mga interaksyon sa World App upang matiyak na gumagana ito sa paraan na inaasahan mo (hal., itago ang mga setting mo at ang iyong antas ng beripikasyon upang ipakita sa iyo ang kaukulang interface).
• Sa unang pagkakataon na bubuksan mo ang World app sa telepono mo, random itong gagawa ng crypto wallet kabialng ang isang wallet address para sa iyo. Pinoproseso namin ang wallet address na iyon upang pahintulutan ang mga transaksyon na may kinalaman sa wallet mo. Nakaimbak lang ang kaukulang pribadong key ng wallet sa device mo at hindi Namin ito kailanman naa-access.
• Upang makasunod sa mga legal na obligasyon at upang makapagbigay ng interface para sa mga transaksyon sa blockchain, nangongolekta kami ng mga updated na kopya ng estado ng mga pampublikong blockchain na maaaring maglaman ng iyong nakaraan at pampublikong transaksyon.
• Gumagamit ang mga website namin ng Cookies. Ang cookies ay maliliit na text file na iniimbak sa device mo na ginagamit ng mga online na serbisyo upang makilala ang device mo at/o mga kagustuhan. Gumagamit kami ng functional cookies upang matiyak ang maayos na karanasan sa aming website, at optional cookies upang suriin at pagbutihin kung paano ginagamit ang aming mga website. Para sa isang buong listahan ng Cookies at mga opsyon mo upang tanggihan ang mga hindi mahahalagang Cookies, pakitingnan ang aming Patakaran sa Cookie.

• Kung kailangan mong gamitin ang aming portal ng suporta upang beripikahin ang edad mo, humihiling Kami ng kumpirmasyon mula sa isang ikatlong partido na independyenteng nakapagberipika ng edad mo na pasok ka sa pinakamababang edad ng mayorya sa bansa mo. Hindi kami nakakatanggap ng anumang ibang impormasyon mula sa ikatlong partido na ito.
• Upang maiwasan ang panlilinlang at mga ilegal na gawain sa aming mga Serbisyo, tumatanggap Kami ng impormasyon mula sa mga ikatlong partido tungkol sa mga device at blockchain wallet na konektado sa posibleng panlilinlang at/o ilegal na aktibidad.

Sa loob ng TFH, tanging mga miyembro ng grupo na kailangang i-access o makita ang personal na datos upang magampanan ang kanilang mga tungkulin ang pinapayagang gawin ito, at mayroon Kaming mahigpit na mga kontrol sa pag-access upang matiyak ito. Ibinabahagi rin namin ang datos sa mga pinagkakatiwalaang vendor at tagapagbigay ng serbisyo ng mga Serbisyong inaasahan Namin. Kabilang sa mga tagapagbigay ng serbisyong ito ang mga provider ng cloud service, provider ng software bilang isang serbisyo, at mga kompanyang nagbibigay ng IT security. Pakitingnan ang kumpletong listahan ng aming mga processor.

Maaari naming ibahagi ang datos mo upang sumunod sa mga legal na kinakailangan o tumugon sa mga lehitimong kahilingan mula sa mga Awtoridad ng Batas. Kung lumabag ang mga aksyon mo sa aming Mga Tuntunin at Kondisyon, o kung ito ay nagdudulot ng panganib sa karapatan namin o ng i’ba, maaari naming ibigay ang iyong impormasyon sa mga kaukulang awtoridad. Ibabahagi lang namin ang iyong personal na impormasyon sa iyong pahintulot o ayon sa iyong tagubilin.

Sa pangkalahatan, tinatago Namin ang iyong personal na datos ayon sa sumusunod:

• personal na datos na ibinibigay mo sa amin, tinatago Namin hangga’t ginagamit mo ang aming mga Serbisyo, o hanggang sa piliin mong baguhin o burahin ito.
• impormasyong kinokolekta namin habang ginagamit mo ang aming mga Serbisyo, tinatago Namin nang hindi hihigit sa dalawang taon. mga naunang interaksiyon mo sa World App (na kailangan para patuloy na gumana ang app), tinatago Namin hangga’t ginagamit mo ang mga Serbisyo, o hanggang sa burahin mo ang account mo.
• permanenteng naka-publish ang datos ng wallet sa pampublikong blockchain, kung saan regular Kaming kumukuha ng updated na kopya nito; at
• impormasyong maaaring natanggap Namin mula sa mga ikatlong partido (karaniwan para maiwasan ang panlilinlang at mapanatiling ligtas ka at ang iba habang ginagamit ang aming Mga Serbisyo), itinatago naming ito sa loob ng isang taon maliban kung lumabag ka sa aming Mga Tuntunin, kung gayon ay itatago namin ito sa loob ng limang taon.

Kung ipag-uutos ng batas, itatago namin ang personal mong datos ayon sa kinakailangan upang sumunod sa aming mga legal at regulasyong obligasyon, kabilang ang pagsubaybay, pagtukoy, at pagpigil sa pandaraya, gayundin sa mga obligasyon sa buwis, accounting, at pinansyal na pag-uulat.

Para sa detalyadong impormasyon tungkol sa mga partikular na legal na batayan at layunin ng aming mga aktibidad sa pagproseso ng datos, pakitingnan ang talahanayan sa ibaba, na nagpapaliwanag ng mga datos na kinokolekta Namin, kung para saan Namin ito ginagamit, at kung gaano ito katagal itatago.

Sa iyo ang datos mo, at naniniwala kami na dapat ay madali mong magamit ang mga karapatan mo anumang oras. Kapag ginagamit mo ang aming Mga Serbisyo, palagi mong maaaring:

• alamin ang higit pa ang tungkol sa pagproseso ng datos sa pamamagitan ng mga materyal na pang-suporta dito o sa pamamagitan ng pakikipag-ugnayan sa aming Tanggapan para sa Proteksyon ng Datos dito;
• i-access at makakuha ng kopya ng personal mong datos dito;
• itama ang anumang personal mong datos dito;
• Pagbura ng personal mong datos sa pamamagitan ng pagpunta sa mga setting, pag-click sa Pagkapribado & Legal at pagpili sa burahin ang opsyonal na datos o burahin ang buong account mo; at
• bawiin ang pahintulot mo sa pagproseso ng datos batay sa pahintulot o tutulan ang pagproseso batay sa lehitimong interes, kabilang ang paghiling na limitahan ang pagproseso sa pamamagitan ng pagpunta sa iyong mga setting sa World App sa ilalim ng Pagkapribado & Legal.

Maaari mong gamitin ang mga karapatang ito sa World App sa pamamagitan ng pag-click sa Pagkapribado & Legal sa ilalim ng mga setting; para sa higit pang impormasyon sa pagbubura, tingnan ang artikulong ito ng sentro ng tulong.

Pangkalahatan

Sumusunod kami sa Balangkas para sa Pagkapribado ng Datos ng EU-U.S (EU-U.S. Data Privacy Framework, EU-U.S. DPF), sa Pagpapalawig ng UK sa EU-U.S. DPF, at sa Balangkas para sa Pagkapribado ng Datos ng Swiss-U.S. (Swiss-U.S. Data Privacy Framework, Swiss-U.S. DPF) ayon sa itinakda ng Kagawaran ng Kalakalan ng U.S. Nakapagsumite kami ng sertipikasyon sa Kagawaran ng Kalakalan ng U.S. na sumusunod kami sa Mga Prinsipyo ng Balangkas para sa Pagkapribado ng Datos ng EU-U.S (EU-U.S. Data Privacy Framework Principles, EU-U.S. DPF Principles) kaugnay ng pagproseso ng personal na datos na natatanggap mula sa Unyong Europeo batay sa EU-U.S. DPF at mula sa United Kingdom (at Gibraltar) batay sa Pagpapalawig ng UK sa EU-U.S. DPF. Nakapagsumite kami ng sertipikasyon sa Kagawaran ng Kalakalan ng U.S. na sumusunod kami sa Mga Prinsipyo ng Balangkas para sa Pagkapribado ng Datos ng Swiss-U.S. (Swiss-U.S. Data Privacy Framework Principles, Swiss-U.S. DPF Principles) kaugnay ng pagproseso ng personal na datos na natatanggap mula sa Switzerland batay sa Swiss-U.S. DPF. Kung mayroong anumang salungatan sa pagitan ng mga probisyon ng patakaran sa pagkapribado na ito at ng mga Prinsipyo ng EU-U.S. DPF at/o Swiss-U.S. DPF, ang mga Prinsipyo ang mananaig. Upang alamin ang higit pa tungkol sa Balangkas para sa Pagkapribado ng Datos (Data Privacy Framework, DPF) na programa, at upang makita ang aming sertipikasyon, mangyaring bisitahin ang website ng Balangkas para sa pagkapribado ng datos.

Dapat ikaw ay nasa tamang edad ng pagiging legal na adulto sa iyong bansa (at hindi bababa sa 18 taong gulang) upang magamit ang aming mga Serbisyo. Sineseryoso namin ang proteksyon ng mga menor de edad—kung sa tingin mo ay mayroong wala pang 18 taong gulang na gumagamit ng mga Serbisyo namin, mangyaring makipag-ugnayan kaagad samin sa pamamagitan ng aming Portal ng Pagkapribado o sa mga channel sa itaas.

Maaari naming baguhin ang Patakaran sa Pagkapribado na ito anumang oras, pero kung maaapektuhan ng mga pagbabago na ito ang mga karapatan mo ay sasabihan ka na’min nang maaga. Kung gagamitin mo pa rin ang aming mga Serbisyo pagkatapos nito, tinatanggap mo ang na-update na Patakaran sa Pagkapribado.

Kung mayroon kang mga katanungan tungkol sa Patakaran sa Pagkapribado na ito o iba pang katanungan na may kinalaman sa datos, maaari kang makipag-ugnayan sa amin anumang oras. Maaari mong laging kontakin ang aming Tanggapan para sa Proteksyon ng Datos at ang aming Opisyal sa Proteksyon ng Datos, na si Jannick Preiwisch, sa [email protected] o sa pamamagitan ng pagpapadala ng liham sa: DPO, Tools For Humanity Corporation, 650 7th St, San Francisco, CA 94103, USA.

Kung nakatira ka sa Estados Unidos o sa alinmang bansa sa labas ng Unyong Europeo, mga estado ng EFTA, o ng United Kingdom, ang tagapagkontrol ng datos na responsable sa personal mong datos ay ang Tools for Humanity Corporation, na may address na 650 7th St, San Francisco, CA 94103, USA.

Kung nakatira ka sa Unyong Europeo, mga estado ng EFTA, o sa United Kingdom, ang tagapagkontrol ng datos na responsable sa personal mong datos ay ang Tools for Humanity GmbH, na may address na Marcel-Breuer Str. 6, 80807 Munich.

Kung nais mong magparating ng alalahanin tungkol sa mga gawi sa datos, may karapatan kang gawin ito sa iyong awtoridad na nangangasiwa o nangungunang awtoridad na nangangasiwa ng TFH GmbH’, ang Awtoridad sa Proteksyon ng Datos ng Bavaria (“BayLDA”) gamit ang mga detalye ng pakikipag-ugnayan na nakalista sa kanilang website.

ANNEX – Mga Legal na batayan/layunin para sa mga aktibidad sa pagproseso ng datos ng Tools for Humanity

TFHPS20250731